Nido foydalanish shartlari

1. Xizmat

OPTIMATRIX bilan bolalar bogʻchalari oʻrtasidagi munosabatlar alohida shartnoma bilan tartibga solinadi. Nido dasturi va platformasiga boʻlgan huquqlar egasi — «OPTIMATRIX» MChJ.

Nido-ga taklif bilan kiriladi: ota-onalar va xodimlarni bogʻcha, ishonchli shaxslarni esa ota-ona kiritadi. Ilovada roʻyxatdan oʻtish yoʻq.

2. Akkaunt va kirish

• Kirish — telefon raqami va Telegram-dagi Nido botidan kelgan bir martalik kod bilan; hozircha bu kirish kodini olishning yagona usuli. Kodni hech kimga aytmang.
• Akkauntingiz ostidagi harakatlar uchun siz javob berasiz. Raqamni almashtirsangiz yoki telefonni yoʻqotsangiz — bogʻchaga xabar bering.
• Faqat oʻz akkauntingizdan va bogʻcha sizga ruxsat bergan maʼlumotlardangina foydalaning.

3. Bolani topshirish

Nido bolani ota-ona yoki amaldagi ishonchli shaxs olib ketayotganiga ishonch hosil qilishga yordam beradi va ota-onalarga topshirish hamda rad etishlar haqida xabar beradi. Topshirish haqidagi qarorni bogʻcha xodimi qabul qiladi, topshirish uchun bogʻcha javob beradi.

Ota-ona ishonchli shaxslar roʻyxati va ularning ruxsat muddatlari dolzarb boʻlishini kuzatib boradi.

4. Surat, video va xabarlar

• Bolaning surat va videolari faqat ota-ona roziligi bilan eʼlon qilinadi; rozilikni ilovada qaytarib olish mumkin.
• Boshqa bolalarning surat va videolarini ilovadan tashqarida tarqatmang.
• Noqonuniy, haqoratli va chalgʻituvchi materiallar, spam hamda boshqalarning maʼlumotlariga kirishga urinishlar taqiqlanadi.

5. Mavjudlik

Nido uzluksiz ishlashiga harakat qilamiz, biroq texnik ishlar va aloqa uzilishlari boʻlishi mumkin. Rejali ishlar haqida oldindan xabar beramiz. Tarbiyachi ilovasi belgilarni internetsiz saqlaydi va keyinroq yuboradi.

6. Javobgarlik

Xizmat «boricha» taqdim etiladi. «OPTIMATRIX» MChJ bogʻcha yoki foydalanuvchi kiritgan maʼlumotlar hamda bogʻcha xodimlari qabul qilgan qarorlar uchun javob bermaydi. «OPTIMATRIX» MChJ javobgarligi Oʻzbekiston Respublikasi qonunchiligi yoʻl qoʻygan chegaralar bilan cheklanadi.

7. Kirishni toʻxtatish

Akkauntingizni istalgan vaqtda oʻchirishingiz mumkin. Bogʻcha rolingizni oʻchirib qoʻyishi mumkin. Ushbu shartlar yoki qonun buzilganda kirishni bloklashimiz mumkin.

Agar bogʻchaning «OPTIMATRIX» MChJ bilan shartnomasi tugasa, bogʻcha maʼlumotlariga kirish yopiladi. 90 kun ichida bogʻcha optimatrixuz@gmail.com manziliga yozib, oʻz maʼlumotlarining nusxasini olishi mumkin; shundan soʻng maʼlumotlar oʻchiriladi (batafsil — Maxfiylik siyosatida).

8. Huquq va nizolar

Oʻzbekiston Respublikasi qonunchiligi qoʻllaniladi. Nizolar muzokaralar yoʻli bilan, kelishib boʻlmasa — Oʻzbekiston Respublikasi qonunchiligida belgilangan tartibda sudda hal qilinadi.

9. Oʻzgarishlar

Shartlardagi muhim oʻzgarishlar haqida ilovada va veb-panelda xabar beramiz hamda yangi tahrirni qabul qilishni soʻraymiz. Amaldagi tahrir — shu sahifada.

10. Aloqa

• «OPTIMATRIX» MChJ, STIR 312 864 699.
• Yuridik manzil: Toshkent shahri, Shayxontohur tumani, Yangiobod MFY, Kamolon, 1-Mehnatkash berk koʻchasi, 29B-uy.
• Elektron pochta: optimatrixuz@gmail.com.